Cornelis van Eesteren

Cornelis van Eesteren
	; Irudi gehiago
Bizitza
Jaiotza	Alblasserdam, 1897ko uztailaren 4a
Herrialdea	Herbehereetako Erresuma
Lehen hizkuntza	nederlandera
Heriotza	Amsterdam, 1988ko otsailaren 21a (90 urte)
Familia
Aita	Balten van Eesteren
Haurrideak	ikusi Jacobus Pieter van Eesteren (en) ;
Hezkuntza
Hizkuntzak	nederlandera
Jarduerak
Jarduerak	arkitektoa, hirigilea, unibertsitateko irakaslea eta marrazkilaria
Enplegatzailea(k)	Delfteko Unibertsitate Teknikoa (1947 - 1967)
Jasotako sariak	ikusi Prix de Rome in architecture (1921) ;
Influentziak	De Stijl

Cornelis Van Eesteren (Kinderdjik, Herbehereak, 1897ko uztailaren 4a - 1988ko otsailaren 21a) holandar arkitektoa izan zen.

Biografia

Rotterdameko Arte Ederretako Akademian egin zituen ikasketak (1917). 1919-1921 bitartean W. Verschoor arkitektoarentzat egin zuen lan, Hagan, eta G. J. Rutgers arkitektoarentzat, Amsterdamen.

1921ean, arte arkitekturako sari bat jaso ondoren, Alemanian eta eskandinaviar herrietan zehar ibili zen. Hurrengo urtean Theo Van Doesburg ezagutu zuen, Weimarren, eta 1923an harekin etxeak eta tailerrak egiten hasi zen. 1924an etxe bateko planoak diseinatu zituen Hagako Zorggvliet Parken, eta beste bat eraiki zuen bere jaioterrian, Kinderdijken. Urte hartan bi lehiaketetan parte hartu zuen: Hagako saltoki bateko galeria, eta Rokineko berrikuntza, Amsterdamen. Urtebete geroago, 1925ean, Jan Wils birmoldatzeko lehiaketa irabazi zuen, eta handik aurrera Opbouw 2 taldeko kide izan zen.

1927tik 1930era hirigintza eskolak eman zituen Weimarko Arte Eskolan, eta zenbait aldizkarirentzat idatzi zuen. 1929-1959 bitarteko urteetan Amsterdameko hirigintza zuzendari izan zen, eta Th. K. van Lohuizenekin batera hirigintza eredu arrazionalista prestatu zuen. 1930etik 1947ra Arkitektura Modernoko Nazioarteko Biltzarreko kide izan zen, eta 1959tik 1964ra Negele eta Lelystad hiriak diseinatu zituen.

1947an Delfeko Politeknikoko katedradun izendatu zuten.

Wikimedia Commonsen badira fitxategi gehiago, gai hau dutenak: Cornelis van Eesteren

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q940647
Multimedia: Cornelis van Eesteren / Q940647